يالمالك جذر

الأحد فبراير 15, 2009 2:35 am

السلام عليكم ورحمة الله
تحياتي لكل اعضاء منتديات الغروب
سمعت هذه القصيده وعجبتني
واتمنى ان تنال استحسانكم
القصيدة بعنوان يالمالك جذر اذيعت القصيدة ضمن مسابقه مهرجان شعري

يالمـــالك جذر لا تزعل وي الريح--- خافنك بهويه وتنشلع سكته
طيح على الهوى وحب ايده من يغتاض---خاوي انته وبعد مابيك كل عته
علي تضحك يخايب وانه علو الغيم---على دموع الفرح هم تضحك النكته
يبو جناح الشمع متعني وين تريد---تدك باب الشمس جنك غشيم انته
يبو سنون الخشب لا تعض جف النار---طفو سنين الخشب لو هفتا وكته
ويبو زنود الرمل لا تلاوي زند السيل---وعناكيد الصخر كبلك غدن تحته
على الماي الضحل يتونس التمساح---ويفرح بالوحل لمن يمد خشته
وعلى موت الشمس يتنومس الخفاش---وعلى الهندس هدومه عيب ماخذته
المبرد صح خشن وناعمه خدود السيف --- لجن ياهو الركاب انشكلت بذمته
يابو درزن وجوه استهلكن بالسوم--- وعلى باب الخجل اخر وجه عفته
بعد مالك عيون وتنكسر باللوم--- ولا عندك وجه حتى تعرك كصته
صحيح انت ضخم بس مو ضخامة روح --- ضخامة كركدن بلوه ابتله بجثته
القمقم صح جبير ودلته لاذت بيه --- لجن غصبا يدنك راسه لدلته
صحيح السيسبان يلوذ بيه الياس--- لجن ياهو صواني العرس عزمته
وصحيح الاثل عالي وفيه فوك التين --- لجن ياهو الجفوف توسلت سلته
وصيح الجوري نام بمنت الصفصاف --- لجن ياهو الخشوم تعنت لشمته
دخان المزابل يطم عين الكون --- لجن عود البخور الحلفو ابخته
ود العامري ارهه من ابو الحسنين --- لجن ياهواليلوذ المذنب بكبته
الفراش يطير مفرد والجراد اسراب --- لجن ياهو الحدايق تحتفي بلمته
فوك من الخشم متعلي عرش العين --- لجن تصرخ دمع لو سمعت بطكته
مترهي الجبل بس ماتعافى بيوم --- ولا شالت خشمهه على السفح قمته