شلون اوصفك

شلون اوصفك
يبو طبع الجميل الحيريت الكون


يالتسال اعله الناس شنسميك


يالبوصفك حيرتني ودوريت العون


لان كل الصفات اتجمعت بيك


يالمالك شبه حته بالمليون


شلون باربعين اندور ونلكيك


اريداوصفك محتارابدي شلون


ما اعتقد من طين المسويك


هسه راح ابدي وانتو تختارون


ابدي بوصالك يالمحد يضاهيك


يالبيك طيبة كلب ماتنوجدبالكون


يالبيك حنيت كلب هنياله اليلاكيك


يبو طبع الوفي خل عنك يسالون


يالصفات الكون هي اتجمعت بيك


وعن اسمك لواسولف اعتبرمجنون


خاف اتغير اسمك من كلامي اخليك


لان مو اسم شايل معاني الكون


عطر وورود ولون يالتحير معانيك


متكلي اختاروك بالله شلون


من اجمل حديقه البلعالم مجمعيك


انه الماشايفك شوف العيون


انه السامع بس سمع بيك


واخر كلامي وياك مقصر ومديون


وادعي من ربي الي سالم يخليك


وادعي من ربي الي سالم يخليك

كل هذا ومقصر ومديون
تعبير رائع لا تستطيع كلمات
الرد ان تعطيه حقه...عاشت الايادي[center]