اشـــهد يا زمان

اشهد يازمان ..

صدرِك بيتي وبيتِك أحضاني أخبيكِ تحت رمشي و الأهداب

و أصرخ وأقول اشهد يازمان أحبها أعشقها أموت فيها كمان

اشهد يازمان ..

أرتوي حنانِك وأرويكِ حناني وأتأمل فيكِ وفجمالِك الجذاب

أنا فيكِ مغرم ومتيم وولهان وأدمنتِك وأدمنت هذا الحنان



من يوم حبيتِك نسيت أحزاني وزانت حياتي حتى حظي صاب

هانت جروحي وعذابي هان حبِك عوضني عن كل الحرمان



حبِك خلاني انسان ثاني خلاني قوي و قد الصعاب

أحبِك بجنون واشهد يازمان كل شي في حياتي بحبها زان



أحبِك و حبك غير كل كياني ولو قلت بنساكِ تراني كذاب

حبِك ما انخلق فيه النسيان حبِك للأبد على مر الزمان



أبصرخ وأقول اشهد يازماني أبعترف بحبها لكل الأصحاب

وأبعلن قصة حبي لكل انسان وأبكتب أحبك بكل الألوان



وأقول اوقف يازماني وانساني أنا في حضنها أنسى العذاب

خليني في دفاها وروح يازمان خليني أشمّها في كل مكان



و أبوسها بجنون وأعطيها لساني ولاراح أحسب لأحد حساب

وأدوخ وأقول اشهد يازمان طعم شفايفها جاب لي الجنان



على صدرها أعزف ألحاني و أكتب أشعار و أألّف كتاب

تنام و أنا على صدرها سهران وتصحى تقول ماشبعت أحضان



ألعب بخدها بفمي و أسناني وأتأمل في لون خدها اذا ذاب

أغازلها و تقول غازلني كمان أموت في دلعها كيف ماكان



اذا ماغازلتها تسهر وتعاني و تجي تسألني تبي الجواب

وتقول اشفيك ياعمري زعلان وتبكي و في عيونها أقرا الحنان



لون عيونها يهيج اشجاني أهوى عيونها بدون أسباب

شوف عيونها واشهد يازمان أعشق عيونها عشق الجنان



هي الأمل واحساسها الأماني حبها المطر و قلبها السحاب اشهد يازمان ..

فمها الشراب و أنا السكران والله اني في وصفها حيران


واشهد يازمان ...

مشكور مو عارفه شنو ارد لان انت خلصت على
كل الكلام الجميل بقولك نورت وتسلم على ردودك الرائعه