ياربيعي

السبت يوليو 24, 2010 5:11 pm

(يا ربيعي )

وينك ياربيعي وزهو الايام

تعال وشوفني يا بعد العيون ..

لا سلهم جفن بعدك ولا نام

وصرت فرجه تراني لليكرهون..

علي وشر لسانه العذل واللام

وانه الما الي ابدنياي كل عون..

بقو يمي وحوش وناس ضلام

كبل ما موت بعضامي ينهشون..

ما ضن غير شخصك انته الي اولام

ولا غيرك احباب اوناس يسوون..

اوصلني ابحياتي يابدر تام

شلي ابجيتك وي اليشيعون..

شيفيد الندم للعض الابهام

وشيفيد البجي علي يموتون..

امشي اعليك كل سيد بالاسلام

وكل مؤمن صحيح امن اليصلون..

تجيني اتشوفني اشكد الك محتام

اريد العيد اشوفه اوي اليعيدون..

السبت يوليو 24, 2010 11:59 pm

صح لسان شاعرها
ويعطيك العافيه
ودام لنا إبداعك

الأحد يوليو 25, 2010 12:10 am

يسلمووو ايديك صبري عل الموضوع

الأربعاء أغسطس 11, 2010 10:56 pm

شكرا لك ياشاعرنا المبدع صبري السعدي وننتظر جديدك

الأربعاء أغسطس 11, 2010 11:09 pm

رد: ياربيعي