دموع القلب

الأحد يوليو 04, 2010 2:02 am

دموع القلب
دمع قلبي على فراقك جمر ينزل
على صدري يعلعل كل جزء فيني

أنا أمطر عشق بأرضك وفي بُعدك
ولا لحضه غفت عيني يناسيني

وفي ليلي أنا أبكي أنا أصرخ
تمنيتك ولو مرة تواسيني

شجاك تغيرت عني منو غيري
يشم وردك وفي غصنك أثر طيني

نفذ صبري وأنا أنتضرك وناديلك
تمر بيه تنور ظلمة سنيني

تصورتك حضن دافئ إلي أنتَ
أذا أبرد دفو صدرك يدفيني

ولكن للأسف حضنك طلع خنجر
طعن صدري ومزق كل شراييني

وفي أني أضل للحب نبع صافي
ولا أنكر أبد حبك يجافيني

أضل وردة وأبد ما يذبل بهجرك
غصن روحي ولا تنفد رياحيني

ومن ظلمك تِزَعِّلْ خافقي عنك
ولا أريد بكذب عذرك تراضيني

شفى قلبي من جروحك يقاتلني
ومن شِعْرِي محت اسمك دواويني

وخطواتي بعد ما تمشي في دربك
وغض عيني أذا شخصك يلاقيني

صحيح أنت الورد تزهو بألوانك
ولكن رفضتك تربة بساتيني

لأن غصنك نكر ماي الشرب منه
وأبد ما يذكر بحبه غصن تيني

ينورس حب أنصحك لاتطير بعيد
ترى ماتلقى أعذب من بحر عيني
تقبلوا
تحـــ عمار ــياتي