اللي تحب بصدق لايمكـن تخـون

الأربعاء أكتوبر 21, 2009 7:22 pm

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

اللي تحب بصدق لايمكـن تخـون
تصون لـو أنـك بديـت تخونهـا
مثل الهنوف اللي غلاهـا بالعيـون
لاسلهمت شفـت الوفـا بعيونهـا
القى غلاي بطرفها النعسان كـون
وتلقى غلاها فـي عيونـي نونهـا
في حبها يحتار قلبي مـن يكـون
وأليا سألت القلب جـاوب دونهـا
يدري وتدري بالغلا لـو يزعلـون
عذالنـا اللـي ياعسـى يفدونهـا
عندي غلاها غير ياللـي تسألـون
لـو تبحثـون بداخلـي تلقونهـا
رسومها في داخلي ذيك الضعـون
زالت ولازالـت رسـوم طعونهـا
وتأثيرها الذكرى وناظرها الفتـون
وأيامهـا ورسومـهـا وفنـوهـا
وهي بعد مـن حبهـا يستغربـون
أهل المحبـه لـو تطالـع شونهـا
أبسط محبه عندها حـب الجنـون
وأجمل محبـه طيشهـا وجنونهـا
تبكـي لياكدرتهـا لاكـن حنـون
بساع ماترضـى علـيّ شجونهـا
أن قمت أهاوشها عتب قالت تمون
تحس في الغيره وفـي مرهونهـا
وأن عاتبني حيل غضت بالجفـون
بثانـيـة والا تغـيّـر لـونـهـا
سالت بدمعتها على حمر الوجـون
وصدت وشفتهـا تحـك سنونهـا
مرات اقول أن العتب منها يهـون
من صمتها اللي شاعلن غليونهـا
ومرات أحب الصمت لاصرت مغبون
بالذات لاشفـت الزعـل بعيونهـا
فيها خجل مدري حيا مدري سكون
مدري ظلام الليـل لـون قرونهـا
من الترف ماتستثيـر الا الغصـون
ومـن الـدلال الله يكـون بعونهـا
فيها عساني بالغلا صادق أظنـون
وفيني عساها ماتخيـب أظنونهـا

[ندعوك للتسجيل في المنتدى أو التعريف بنفسك لمعاينة هذه الصورة]