حبيبي ليه قلوبنا على البعد تعودت؟؟

أبي أسال عن أخبارك ترد بكلمتين عتاب
أبسال ليه اذا جيتك تموت بجرحي وعتابي
جزاتي اني معك وافي تعذبني بلا أسباب
وأنت دايم بعيني أشوفك أغلي أحبابي
أثاري هالوفا ضايع أثاري هالغلا كذاب
عطيت وماخذيت إلا دموع ٍ تسكن أهدابي

لا تتعبني يكفي القلب مجروح
لاقلت أحبك اسكت واسمعني
ماجيت أدور فيك لوعات وجروح
جيتك وانا كلى أمل تسعدني
جيتك وانا كلى أحاسيس ووضوح
جيتك ابي لو ساعة تفهمني
والله ماغيرك سكن داخل الروح
ولا غيرك انت وسط قلبي وعيني

تدري لو قلت لك قصة حياتي بالأبيات ..
كان أدمعت عينك بدل دمعها دم !!
محبوس منها داخل العين عبرات
وقلبي في ذكراها حزين ومغتم
قصة تعاسة، حزن، آلام وآهات
جرح وعذاب القلب هــم ورا هــم
مكتوب لي أسهر بليلي ولا أبات
أجمع بقايا انسان تاه وتحطم
تاهت بي دروبي بدنيا المتاهات
تايه أدور نـــور بليل أعتم
أنا قتيل الهم عايش ولا مات
الروح ماتت مابقى غير هالجسم
مرات أنا أشكي وأبكيه مرات
ومرات أقرر أنتحر لكن أندم
حتى الرفيق اللي معي بالمسرات
راح و تركني هون وصد ما اهتم
لكن دواي اليوم نسيان ما فات
يمكن أصلّح شي طاح وتهدّم
هذي حياتي بين حرف و كلمات
ياللي تنشدني ليه انت مغتم !!