احلى باقات الامير سعود بن عبدالله

الخميس مايو 28, 2009 1:39 pm

[ندعوك للتسجيل في المنتدى أو التعريف بنفسك لمعاينة هذه الصورة]

انثر بين ايديكم ورود من باقات سمو الامير الشاعر سعود بن عبد الله
واللي اتمنى اكون وفقت باختيارها سمو الامير كل ما يكتب له عبق التاريخ واصاله الماضي ورائحه ربى نجد ورياضها اشتم بقصائده رائحه النفل والخزامى والسمر اشتم به نجد كل نجد

[ندعوك للتسجيل في المنتدى أو التعريف بنفسك لمعاينة هذه الصورة]

وش فيك غايب

وش فيك غايب طعنت القلب بغيابك
يللي احبك 000حرام انك تجافيني
انت النظر والحكي والشوق يزهى بك
ماشوف ماحكي ما دامك ساكن ن فيني
ان جيت ابحكي ظهر صوتي ونادى بك
وان قلت ابسكت حكى دمعي على عيني
ارسلت لك خافق طقيت به بابك
ومن كثر ماطق قلبي شارك يديني
ان قلت احبك ضحك قلبي وهلا بك
ثم التفت لي وقال انك معنيني
ياغايب حالف ماقول وش جابك
رضاك الاول ووصلك بس يكفيني
اسبابك انك جمالك اول اسبابك
ولجلك تمنيت قلبي صار قلبين

[ندعوك للتسجيل في المنتدى أو التعريف بنفسك لمعاينة هذه الصورة]

انت تدري
انت تدري وش اجمل منك في عيني
انت لاصرت مبسوط على شاني
تكرم البسمه اللي منك تكفيني
كيف اناديك عمري والعمر فاني
كل شئ خلق بك لك يناديني
انت غير الجميع ولك غلا ثاني
قلت ابذكرك واثرك ساكنن فيني
بين عيني وعيني ما تعداني
انت تبخل بك يساري عن يميني
اه ياليت تدري منك وش جاني
ليه لاقلت بشوفك وانت بتجيني
جاك قلبي يسابق خطوه لساني
من سلامك نبت في راحه ايديني
الف غصن يميل من الغلا حاني
قبل تسال من اللي لك موديني
انت وديتني والشوق 000وداني

[ندعوك للتسجيل في المنتدى أو التعريف بنفسك لمعاينة هذه الصورة]

تفضل اجرح

تفضل اجرح مادام اسمك مجرحني
تفضل اجرح شعور وقلب محبوبك
كان الوفا ذنب فاجرح يامعذبني
انا خطاي الوفا والشاهد دروبك
تهد عرش الغلا واثر الوفا يبني
واسري مع خافقي لاجل الوفا صوبك
وكان الخطا بالمحبه لاتحاسبني
والله ما اخترت احبك لجل انا اتوبك
انا الغلا والعطا والصدق شاربني
عطيتك العشق شمسك والغلا ثوبك
لاتكثر اللوم برحل لاتعاتبني
ابي غروبي قبل لاشاهد غروبك
بموت قبل اجرحك واقول سامحني
واسال عليك الزمن لايكتب ذنوبك
الله وش كثر احبك يامعذبني
هذي عيوبي ياليت تناظر عيوبك

[ندعوك للتسجيل في المنتدى أو التعريف بنفسك لمعاينة هذه الصورة]

يا ورد
ياورد من علمك تجرح
الجرح ماهو من اطباعك
مغليك من شوفتك يفرح
هون على قلب ملتاعك
لون المواعيد متغير
الحزن في صوتك يحير
ماعادك الصاحب الاول
ما احسبك في يوم تتغير
انا هويتك وعزيتك
في القلب شلتك وعليتك
لك منزل كلهم دونه
الله وش كثر حبيتك
ياورد من يامن الايام
يبكي كثر ما حلم احلام
اجع لطبعك واحبابك
اخاف تذبل مع الايام

[ندعوك للتسجيل في المنتدى أو التعريف بنفسك لمعاينة هذه الصورة]

كثر الهدايا

كثر الهدايا ما تزود المحبه
راعي الهوى هديته قلب واحساس
واللي يحبك لا درى انك تحبه
تصير له قلب ونظر عين وانفاس
يلي ذبحك الشوق تكفى تنبه
هذا السهر في العين له لون واقواس
الشمع عنك الشوق دايم يشبه
في غيبتك لامن غدا الليل خرماس
بين السهر والنوم مركب وغبه
يلي خذيت النوم والحلم والناس
يلي الظلام في حجر عيني تصبه
مره تكرم واهدني لحظه نعاس

اتمنــــــــــــــــــــــــى تنال اعجابكم