اخذني وياك ... للرائع عريان السيد خلف .

الثلاثاء يونيو 30, 2009 9:28 pm

اخذني وياك

جَمّلني بعد كَطره وخذني وياك

هناك . الفيض كَلبك

حتى روحي تنام

عصفورة جرف . بلل جنحها الكَيض

اخذني وياك

امشي بغير واهس

والطوار كَصار

وعيوني غُرُب . وجفوف إديّه اوداع

واسمي ابغير معنى

وميل كحلك غاب

ونشدني اعله كَلبي

كَلبي حب وذاب

يا كَلبي حلكَ تنور ، لو سرداب ؟

صوَغني ، ولو من ليلكم نجمه

تِبات وياي

ومن تشبع سهر

ويجيسها الوهواس

اطفّيها ابصبح

والغبشه رشكَة ماي

واشعلني وَلع

يدّوي العطش بالعود

حتى انزع جلد روحي

وارد لصباي

أمّلني الفرح بسمَك . ورد عالباب

فاحَت ريحتَه ، ولّنّك بعد ماجاي

بعد ماجاي .

من يا صوت اصيحك

والصدى ايجاريك

واكَلك : مَكدرت ، يالتكَدر ابليّاي

الثلاثاء يونيو 30, 2009 9:47 pm

كلت انجفة الماي وذبل عود الياس
والوادم نست وبغيرنة اتسلت
وأول ما شفت طولك نسيت الصوت
وروحي بلا سبب بجفوفك افتلت

انت رائع دائما في اخيتارك اخي ميثم
تقبلي مروري وتحياتي