بقايا انسان

السبت يونيو 13, 2009 6:59 am

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي

السبت يونيو 13, 2009 1:26 pm

تسلم أناملك أخي سعد
قصيدة رائعة .. واختيار موفق
تقبلني هنا ..
أخوك اكرم

السبت يونيو 13, 2009 2:01 pm

سعــــــــــــــد

أخذتنا في عالم الخيال .. والروعه والجمال

أخذتنا بسفينة العذوبة .. وأبحرنا في بحر الأحاسيس .

فكنت خير ربان للسفينة

إبداع وإمتاع

ولي الشرف بالرد في متصفحك

يعجز القلم عن الوصف ... فاعذره

أسجل إعجابي هنا بك سيدي

مودتي واحترامي

ميثم