تشيز كيك بطريقه جديده

النهارده قررت اعمل التشيز كيك بس على طريقتى

يلا بينا سوا نبدا

المقادير:
2 علبه بسكويت ماري+ زبده صفرا

نطحن البسكويت في الكبه ونخلطها بالزبده وتكون طريه علشان تسهل علينا الخلط ونضيفلها معلقه سكر علشان الطعم ونفرشها في صنيه في القعر بالتساوى ونحطها في الثلاجه لحد ماتمسك يعنى حوالى ساعه ودى تعتبر اول طبقة من الطبقات

[ندعوك للتسجيل في المنتدى أو التعريف بنفسك لمعاينة هذه الصورة]


وبعديت جبت كيسين كريم شانتيه دريم ويب وخلطهم بنص كوبايه حليب مثلج وضربتهم بالمضرب الكهربائي لحد ما اتكونلى كريمه كتيره ضفت عليهم علبه جبنه مثلثات 8قطع وخلطهم بالكريمه كويس اوى وحليتها بالسكر

[ندعوك للتسجيل في المنتدى أو التعريف بنفسك لمعاينة هذه الصورة]

ثم ضفت ليها جيلي(نص كوب ماءمغلى+علبه جيلي فراوله+نص كوب ماء مثلج ويحلى بالسكر ويترك ليبرد)ثم ضفته على الكريمه بالجبنه وقلبته كويس جدا

وطلعت الصنيه من التلاجه بعد ما مسكت طبقه البسكويت كويس جداا وحطيت عليها الطبقه التانيه اللى كانت عباره عن كريمه بالجبنه والجيلي
[ندعوك للتسجيل في المنتدى أو التعريف بنفسك لمعاينة هذه الصورة]


وحطتها بالتلاجه حوالى ساعتين او 3ساعات لحد ما جمدت ومسكت خالص ودى شكلها ودى تانى طبقه


[ندعوك للتسجيل في المنتدى أو التعريف بنفسك لمعاينة هذه الصورة]



وبعدين عملت جيلي عادى نص كوب ماء مغلي عليه علبه الجيلي البودره ثم نص كوب ماء مثلج وحليته بالسكر(تم تقليل كميه الماء عن الطريقه العاديه) وضفته على الطبقه الثانيه وطبعا خليته يبرد خالص وبعدين ضفته بالمعلقه حبه حبه وبالراحه وحطيته في التلاجه لتانى يوم وده شكله

[ندعوك للتسجيل في المنتدى أو التعريف بنفسك لمعاينة هذه الصورة]


وطبعا شلتها من الصنيه المتحركه دى وقطعتها

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ميثم بالهنا والشفا