قصيده اهداء الى الاخت سولي لغيابها عن المنتدى

السلام عليكم هذه القصيده ايضا تنطبق على اهل البيت عليهم السلام
وهيه هديه الى الاخت العزيزه الغائبه عن المنتدى (سـولي) اتمنا ان ينال اعجابكم
بسم الله الرحمن الرحيم

---------------------------

فركة الاحباب --- منها الكلب ذاب --- منها الكلب ذاب

**********************

1- كلمن عرف شخص وكضه عمره اوياه

مو هينه عنه يبتعد اوينساه اوينساه

جا شنهو حاله الي فكد من ابناه

وشنهو اليصبره من تمر بيه ذكراه

* الخلص عمره - وياه عشره - شنهو ايصبره - لو مر ذكره

** ولحضات افراكه اشلون -- يكضيهن وبيالون

فركة الاحباب فركة الاحباب

------------------------

2- بيمن يصبر مهجته اوكلبه

الفارك عزيز ابعيلته ويحبه

وشلون ميت ما يرد ايحسبه

الخلص حياته ودنيته ابكربه

* الصبر امنين - ودموع العين - فوك الخدين - ما نشفن حين

** يجري المدمع سجاب -- من افراك الاحباب

فركة الاحباب فركة الاحباب

---------------------------

3- الله يانار الفكد بالدلال

مضرومه تسعر بالجبد ملها امثال

تجوي ابشرايين الجسد والاوصال

تنوي الغزو وجمعت حشد تغزي البال

* عاشت بالراس - صارت وسواس - لا ماتنقاس - حركت الاحساس

** غرست اوتاد الهم -- بالروح ابوسط الدم

فركة الاحباب فركة الاحباب

-----------------------------

4- شيصبره كلب الوالده شيصبره

لوبنها عنها يبتعد وتخسره

بيمن تصّبر هالكلب بالحصره

لو ونه كل لحضه تجر ابعبره

* حزن الوادم - وهم العالم - مو مثل الام - من تتئلم

** كلب الام حزن البيه -- ياوادم ما نحصيه

فركة الاحباب فركة الاحباب

-----------------------------------

اخي العزيز امير تحية طيبة مني لك
اعتذر عن غيابي لضروف مرت علي اجبرتني عن الابتعاد
لكن نشالله رجعت من جديد
شكرا جزيلا لك ولكل اعضاء المنتدى
فعلا عرفت قيمتي عدكم وشكرا جزيلا
لك مني خالص التحيات

تحياتي لك اخي سعد وتحياتي لك امير وللجميع