انا كنت حموت صاحب جوزى

الإثنين يونيو 15, 2009 4:35 pm

العنوان صح يا اعضاء الغروب حصل فعلا
واحكيلكم الحكايه من الاول
شوفوا بقى جوزى ليه واحد صاحبه وكنا بنزوره فى يوم هو ومراته
المهم جات سيرة الاكل فقال ياااااااه دانا نفسى فى الرنجه اوى
ماتيجواتتغدوا معانا بكره رينجه
طبعا انا اتشمللت فيها
وقلت ابداااااااااااا
لازم تتغدوا معانا بكره وهعملكم شويه رنجه انما ايييه حكايه
المهم رحت السوبر ماركت انا وجوزى جبنى رنجه محترمه والخس والليمون واللذى منه
والمح بطرف عينى الفسيخ [ندعوك للتسجيل في المنتدى أو التعريف بنفسك لمعاينة هذه الصورة]
واو واو من الفسيخ
كان بينادينى رحت جايبه واحده على ادى
انا نسيت اقولكم ان جوزى وصاحبه عندهم الضغط عالى المهم جه تانى يوم بدات اوضب فى العزومه وجه صاحبه ومراته وحضرنا الوليمه وبدانا ناكل
صاحبه لمح الفسيخ شهق وقال فسيخ هو فسيخ
قالتله بلاش لحسن الضغط
قالى يعنى مش عايزانى اكل [ندعوك للتسجيل في المنتدى أو التعريف بنفسك لمعاينة هذه الصورة]
طبعا اتكسفت وقلتله اتفضل
واكلها كلها بالهنا والشفا
المهم قمنا غسلنا ايدينا
وجبنت الشاى والحلو وفجاه خبط راسه وقال
اخخخخخخخخ دانا نسيت اخد دوا الضغط انهارده بس مش مشكله
لما اروح اخده
شويه وشه اصفر واخضر وازرق
قالنا معلش انا هروح لحسن اظاهر انا مرهق وعايز انام
مشيوا ومفيش ربع ساعه
ونلاقى مراته بتتصل والحقونى ده بيرجع وحالته صعبه[ندعوك للتسجيل في المنتدى أو التعريف بنفسك لمعاينة هذه الصورة]
طبعا جوزى جرى اخده على المستشفى وطلع عنده ذبحه صدريه
اه والله ذبحه صدريه
وفضل فى المستشفى4ايام
والحمدلله عدت على خير
بس كان شكلى وحش اوى لما رحت زورته فى المستشفى
واصحابه حواليه ويقولوله
فسيخ ده جبته منين ده
والدكتور يقوله ممعكش حته فسيخ تحت المخده كده
طبعا انا كنت فى نص هدومى ومحرجه و بشرررررررر عرق
شوفتوا اختكم بيحصلها اييييييييييه!!!!!!!!!!
على فكره انتو تعرفو الفسيخ
على العموم ده سمك بورى مملح
بس حكايه