صح كلك حلو ومتعجـــــــــــبة بيك الناس

الأربعاء مارس 04, 2009 4:45 pm

صح كلك حلو ومتعجـــــــــــبة بيك الناس
وسرك هالــــــــــــــــــــبشر ما تكدر أتحله

بس خل أسالك هذا الجـــــــــــــــمال امنين
حاير كلي بيــــــــــه ورايد أندلـــــــــــــــــه

ما گلك احبك خايــــــــــــــــــــف انجن بيك
وينسل عقـــــــــــــــــلي بيه ويشتهي الخلة

ولا أريد اعـــــــــــــترف انه اشكثر أهواك
لان طــــــــــــــبع إلي يحبك شارد من أهله

وانه اهلي بجمـــــــــــالك شردو من أزمان
لو بس انه والله أوداعتــــــــــــــــك سهله

حامض يا مه عـــــــــــنك كالت ادري العين
وتاهت بيك روحي أدور ألســــــــــــــــــله

بس كلــــــبي أعله شوفك صار كومه شموع
كض دمعه وآجالك رايد أتــــــــــــــــــــحن له

لان شاف الشمس لجــــــــــلك تبوس الكاع
من أيمر خـــــــــــــــــــــــــيالك تختل أبضلة

ولهذا الــــــــــــــــــــــــكمر قرر يتوب آوياك
مد سجاد نجمه بشــــــــــــــــــــــفتك وصله

أنت أول شخص لو صــــــــــــــــــفوا الحلوين
وبعدك أنت توكف خــــــــــــــــــــــــاطر أتكمله

مأخذ دور حســـــــــــــــــــــــــنك أنت خادم بيك
لان ماكو بجمـــــــــــــــــــــــــــــالك واحد أيمثله

لان كلك حلو حتى أنت بــــــــــــــــــــيك أتغار
ولهذا الحسن بيك أنجمـــــــــــــــــــــــــع كله

وخل اضــــــــــــرب مثل من تضحك ابغداد
تخجل بالشفايف ضــــــــــــــــــــــحكت الحلة

الأربعاء مارس 04, 2009 7:41 pm

أشيلك بالعيون ادموع

وأضمّك بين عشر اضلوع
***
محتاجك حبيبي .. محتاجك سبع أيام بالاسبوع
السبت والناس مشغولة .. أنا مشغول بعيونك
الأحد ... واحدن مثلي صفى خلّك ومجنونك
والأثنين .. أحلى اثنين يحسدوني ويحسدونك
الثلاثاء ما يجي ثالث .. ثالث ما يجي ممنوع
***
أشيلك بالعيون ادموع
وأضمّك بين عشر اضلوع
***
محتاجك حبيبي .. محتاجك سبع أيام بالاسبوع
ويجينا الأربعاء واحنا .. الأدين الاربعة بعالم
البشر منهو بدون الحب ان كانت حوا لو آدم
الخميس وخمسة وخميسة علينا عيونها العالم
والجمعة جمعنا الحب والحب فوق كل ممنوع
محتاجك حبيبي .. محتاجك سبع أيام بالاسبوع