منتديات الغروب
مرحبا بكم في منتديات الغروب المرجو منك التسجيل بالمنتدى

انضم إلى المنتدى ، فالأمر سريع وسهل

منتديات الغروب
مرحبا بكم في منتديات الغروب المرجو منك التسجيل بالمنتدى
منتديات الغروب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اذهب الى الأسفل
rowaida
rowaida
المدير الاعلامي
المدير الاعلامي
الجنس : انثى
عدد الرسائل : 5
تاريخ التسجيل : 16/02/2020

قصيدة لا تجينه للشاعر الشعبي عريان سيد خلف Empty قصيدة لا تجينه للشاعر الشعبي عريان سيد خلف

الأحد فبراير 16, 2020 7:14 pm
لا تجينه ..


لاتجينه .. جان كَلت ابوجه الابيض ..


غير معشركم لكَينة


جينة مشتاكَين .. وبلهفة ..


او تسد بابك علينه


جينه ايدفعنه الهوى .. اودمعاتنه


اتكَطر بدينه


اوجنت اظن عندك وفه .. اورحية


من فرد طينة


غمكَت جرح الجفة .. اوزدت ..


الكَلب ونه لونينه


اعتب اعله الروح .. جي لنها اعله ..


ريحتكم حنينة


واعتب اعله الشوك .. والعشرة ..


اوسوالفها الحزينة


علمتني شلون يتبره .. الخوي ..


اوحمل اليكَع محد يعينه


عفية صحبة هالوكت ..


بيها اليجافي .. اشوكح عينه ..


او لاتجينه .. !!


- ما اجيكم واليدك


بابك ، بعد تنشل يمينه


او جينه .. مدري الجدم زل بينه


العه دربك .. لو عمينه


اوجيت ارد اروحي .. البكَت سنتين


بديارك رهينه


اوجني ضيف ! او عادت الينضاف ..


للخطار .. يرخص ماي عينه


وانته .. ما جنك ربيت ابماينه ..


او شارب حنانه


وانكرت حتى العرف ..


يوم الوكت .. .. بيدك رمانه


عفيه كَلبك هلبت ابساعه .. وفه


.. ابالك طرانه


او جينه نشجيلك .. عذاب اجروحنه


.. او لوعة هوانه


آخ .. يا دمعك فلا يبطل .. يهل ..


لمن عمانه


يا عفه اكَلوب التشيل .. الظيم


وشنحمل عفانه


او حتى اعز الناس من طحنه ..


ابهظم جاروا علينه


:او من وصلنه الدارهم كَالوا


اشجابك ؟. لا تجينه


عفيه صحبة هالوكت بيها اليجافي


اشوكح عينه
avatar
kariaka3977
عضو مشارك
عضو مشارك
الجنس : ذكر
عدد الرسائل : 28
تاريخ التسجيل : 31/08/2009

قصيدة لا تجينه للشاعر الشعبي عريان سيد خلف Empty _da3m_2

الجمعة فبراير 28, 2020 9:36 pm
موضوع رائع بوركت
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى